Ingonyama en ander maats met leeueharte

Kortverhaalbundel vir Eerste Addisionele Taal in die intermediêre fase

Carin Krahtz, Nelia Engelbrecht, Annelie Ferreira, Jaco Fouché, Troula Goosen, Henriëtte Linde-Loubser, Elrien Scheepers, Christina van Deventer, Annerle Barnard, De Wet Hugo, Carin Krahtz, Anzil Kulsen, Naomi Meyer, Christien Neser, Carina Stander, Marita van Aswegen, Elizbè Van der Colff, Derick van der Walt, Elizabeth Wasserman, Zelda Bezuidenhout, EKM Dido, Sidney Gilroy, Rouxnette Meiring, Chase Rhys, Cecilia Steyn, Fanie Viljoen, Sasha Richards

ISBN:

9781776073030

Epub ISBN:

9781776073047

Uitgewer:

Best Books

Datum Vrygestel:

Junie 2021

Prys (incl. VAT):

R 220,00

Formaat:

Sagteband, 160pp

Oor hierdie boek:

Laai die onderwysersgids gratis hier af:
Ingonyama en ander maats_MEMORANDUM EN GIDS


Ingonyama en ander maats met leeuharte is ’n bundel nuwe verhale vir graadvier- tot graadsesleerders van Afrikaans as eerste addisionele taal.

Skrywers aan die bundel neem temagewys nie net die drome, vrese, leefwêrelde en belangstellings van hierdie ouderdomsgroep in ag nie, maar ook die riglyne van die KABV-kurrikulum en die Departement van Basiese Onderwys se strewe om laerskoolonderwys by die “Vierde Industriële Rewolusie” te betrek. Daarbenewens bied die bundel ook ’n verhaal wat in Kaaps geskryf is om erkenning te gee aan meer as net die standaardweergawe van Afrikaans.

Die beeld van die jeug wat in hierdie bundel geskilder word, is dié van dapper, kreatiewe planmakers; kinders wat wyser en meer ruim van hart is as wat die samelewing dikwels wil toegee. Annelie Ferreira se verhaal “Ingonyama” verwoord hierdie beeld so sterk dat dit die logiese keuse vir gebruik in die titel van die bundel was. “Ingonyama”, wat “leeu” in isiXhosa en isiZulu beteken, sluit aan by “leeueharte” in die titel en sinspeel op die woord “leeuemoed”. Hierdie bundel verhale is dus vir alle leerders wie dapper lees in die EAT aanpak.

Elke verhaal begin met ’n voorstel van ’n besprekingstema en ’n woordelys waarmee leerders se woordeskat uitgebrei kan word. Die pre-leesvrae bied leerders die geleentheid om hierdie woorde te gebruik wanneer hulle die tema bespreek, asook om hulself voor te berei op die inhoudsmoontlikhede van die verhaal. Die leesproses word vergemaklik deur vertalings van moeilike woorde in die voetnotas.

Die post-lees- kontekstuele vrae dek verskillende vlakke van Bloom se taksonomie, en word voorsien van memoranda en voorstelle vir rubrieke in ’n onderwysersgids wat gratis van die uitgewer se webwerf afgelaai kan word. Onderwysers kan die vrae en voorgestelde rubrieke vrylik aanpas om seker te maak dat dit nommerpas vir hul leerders se vermoëns en ontwikkelingsvlak is.

Verrykingsaktiwiteite by elke verhaal neem ook leerders se taalvaardighede in ag: vir jonger lesers sluit dit byvoorbeeld illustrasies, woordsoeke en blokraaisels in; vir ouer lesers is die fokus hoofsaaklik op die kreatiewe skryfproses.

Dit bevat ook ’n glossarium van literêre begrippe, ’n tweetalige woordelys en die biografieë van die skrywers wat tot hierdie bundel bygedra het.

Lees uittreksel

VERWANTE BOEKE

Meerkatreeks: Graad 1 Boek 1 AFR HT

Mart Meij, Beatrix de Villiers

Studiewerkgids: Vers en Vlam

René Badenhorst, Marianne Ross, Ilna Stander, Wilreza Theron

Nuwe Alles-In-Een Graad 2 Pret met Afrikaans Eerste Addisionele Taal-werkboek

Mart Meij, Beatrix de Villiers, Laurika Henning, Amanda Marais, Mart Meij, Glaudina Rossouw, Melané van den Berg

Nuwe Alles-In-Een Pret met spel Graad 3

Mart Meij, Beatrix de Villiers